दाङ– दाङमा प्रहरीले लागुऔषध ब्राउनसुगर सहित सात जनालाई पक्राउ गरेको छ ।

पक्राउ पर्नेमा सुरेश घर्तिमगर, संगीत बस्नेत, नरेन्द्र रसाईली, बलदेव वली, सरोज पुरी, गौरव न्यौपाने र शंकर चौधरी रहेका छन् ।

दाङ घोराही उप–महानगरपालिका वडा नं. १५ प्रकृति टोलस्थित सुरेश घर्तीको घरमा अबैध लागु औषध (ब्राउन सुगर)को कारोबार भईरहेको भन्ने गोप्य सूचनाको आधारमा प्रहरीले उनीहरुलाई पक्राउ गरेको हो ।

प्रहरीले उनीहरुको साथबाट ब्राउन सुगर २३ पिस प्लास्टिक सहित (४ ग्राम ९० मिली तौल) र नगद रु ६१ हजार ८ सय १५ रुपैयाँ बरामद गरेको छ ।

पक्राउ परेका उनीहरुविरुद्ध लागु औषध नियन्त्रण ऐन अनुसार मुद्दा दर्ता गरी ५ को म्याद थपेर आवश्यक अनुसन्धान थालिएको प्रहरीले जनाएको छ ।

उनीहरुको साथबाट बा ६० प ४९७० नम्बरको मोटरसाइकाल, विभिन्न कम्पनीका मोवाईल १३ थान र ब्राउन सिगर तौलन प्रयोग गरीने वयट मेसिन वरामद गरिएको प्रहरीले जनाएका छ ।