वासिङ्टन– इरानका तीन वटा परमाणु स्थलमा आक्रमण भएपछि अमेरिकामा सुरक्षा सतर्कता बढाइएको छ ।

आक्रमणको  केही समयमै, न्युयोर्क र वासिङ्टन डीसीसहित अमेरिकाभरिका प्रमुख शहरहरूमा सुरक्षा सतर्कता बढाइएको हो। 

न्युयोर्क प्रहरी विभाग (एनवाईपीडी) ले इरानको स्थितिलाई नजिकबाट अनुगमन गरिरहेको बताएका छन्।

त्यसैगरी, वासिङ्टन डीसीको महानगरीय प्रहरीले पनि अवस्थामाथि नजिकबाट नजर राखिरहेको जनाएको छ ।

विभिन्न सुरक्षा एजेन्सीहरूसँग समन्वय गरी सुरक्षासँग सम्बन्धित जानकारीहरू आदानप्रदान गरिरहेको जानकारी दिएको छ। 

प्रहरीले हालको अवस्थामा शहरमाथि कुनै प्रत्यक्ष खतरा नदेखिएको जनाएको छ । तर सतर्कतास्वरूप धार्मिक स्थलहरूमा सुरक्षा व्यवस्था थप कडा बनाइएको छ।