अमेरिका–इजरायलको आक्रमणको जवाफस्वरूप इरानले लगातार मिसाइल हानिरहेको छ । आइतबार इरानले इजरायलतर्फ कम्तीमा ४० वटा क्षेप्यास्त्र प्रहार गरेको छ । यसक्रममा इजरायलको तेल अभिभमा कम्तीमा २७ जना इजरायली नागरिक घाइते भएका छन्।

तेल अभिभको रमात अभिभ क्षेत्र आक्रमणको मुख्य लक्ष्यमध्ये एक थियो, जहाँ क्षेप्यास्त्रहरूले अपार्टमेन्ट भवनहरूमा ठूलो क्षति पुर्‍याएका छन्।

तेल अभिवका मेयर रोन हुल्दाईले भने, ‘यहाँका घरहरू निकै नराम्रोसँग क्षतिग्रस्त भएका छन्। भाग्यवश, तीमध्ये एक घर पहिले नै भत्काएर पुनर्निर्माण तयारीमा थियो, त्यसैले भित्र कोही बसेका थिएनन्।’

उनले सेल्टरमा बसेकाहरू सबै सुरक्षित र सकुशल रहेका बताएका छन्। ‘भौतिक क्षति धेरै गम्भीर छ, तर मानवीय क्षतिको हिसाबले हामी ठीक छौं’, उनले भने ।