काठमाडौं– प्रधानमन्त्रीसँग प्रत्यक्ष प्रश्नोत्तर कार्यक्रमपछि अन्य दुई मन्त्रालयको विनियोजित बजेटमाथिको छलफल कार्यक्रम पनि प्रतिनिधिसभाको कार्यसूचीबाट हटाइएको छ । 

सभामुख देवराज घिमिरेले शुक्रबारको संसद् बैठकमा मन्त्रीहरू उपस्थित नभएपछि युवा तथा खेलकुद मन्त्रालय र महिला, बालबालिका तथा जेष्ठ नागरिक मन्त्रालयसम्बन्धी विनियोजन कार्यक्रम कार्यसूचीबाट हटाएका हुन् । 

‘माननीय सदस्यहरू युवा तथा खेलकुद मन्त्रालय र महिला, बालबालिका तथा जेष्ठ नागरिक मन्त्रालयसम्बन्धी विनियोजन कार्यक्रम सूचीबाट हटाइएको व्यहोरो जानकारी गराउँछु,’ उनले भने । 

त्यसअघि नेपाली कांग्रेसका सांसद रामहरि खतिवडाले नियमापत्ति जनाउँदै दुवै मन्त्रालयका मन्त्रीहरूलाई उपस्थित गराएर मात्रै छलफल अघि बढाउन आग्रह गरेका थिए ।