काठमाडौं – मितेरी सहकारी संस्थाको रकम अपचलन प्रकरणमा मुछिएका ज्योतिबहादुर भण्डारीलाई कम्बोडियाबाट पक्राउ गरी नेपाल ल्याइएको छ। रेड कर्नर नोटिस जारीपछि अन्तर्राष्ट्रिय सहयोगमार्फत उनलाई पक्राउ गरिएको हो।

नेपाल प्रहरीको केन्द्रीय अनुसन्धान ब्युरो (सीआईबी) को टोली उनलाई लिन कम्बोडिया गएको थियो। प्रहरीका अनुसार भण्डारीलाई लिएर उक्त टोली बुधबार साँझ त्रिभुवन अन्तर्राष्ट्रिय विमानस्थलमा अवतरण गरेको छ।

ललितपुरको महालक्ष्मी नगरपालिकामा कार्यालय रहेको मितेरी सहकारी संस्थाको करोडौं रकम अपचलनसम्बन्धी उजुरीहरू परेपछि सीआईबीले यस मामिलाको अनुसन्धान अघि बढाएको थिय े।

प्रारम्भिक अनुसन्धानमा भण्डारीको प्रत्यक्ष संलग्नता देखिएपछि कम्बोडिया भागेका उनीविरुद्ध अन्तर्राष्ट्रिय रेड कर्नर नोटिस जारी गरिएको थियो।

अब उनलाई अनुसन्धानका लागि आवश्यक कानुनी प्रक्रिया अघि बढाइने प्रहरीले जनाएको छ।