सिरहा– सिरहाको धनगढीमाई नगरपालिका– १३ स्थित डावर र नैनपुरटोलमा खानेपानी आयोजना सम्पन्न भएको छ ।
सङ्घीय खानेपानी तथा ढल व्यवस्थापन आयोजना, जनकपुरमार्फत १० करोड ९४ लाख लागतमा पाँच वर्षपछि निर्माण सम्पन्न भएको आयोजनाबाट वडा नम्बर ११, १२ र १३ का एक हजारभन्दा बढी परिवार लाभान्वित भएका छन् ।
परीक्षणका रूपमा उपभोक्तालाई पानी वितरण गरिएको डावरटोल नैनपुरटोल खानेपानी तथा सरसफाइ उपभोक्ता समितिका अध्यक्ष सर्वण ठकुरीले जानकारी दिए ।
खानेपानी तथा सरसफाइमन्त्री प्रदीप यादवले असार ५ गते बिहीबार औपचारिक उद्घाटन गर्ने कार्यक्रम रहेको छ । (रासस)
प्रतिक्रिया