काठमाडौं– नेकपा एकीकृत समाजवादीका सांसद राजेन्द्र पाण्डेले एउटा दलको नाराबाजीबीच सदन चलाउने तरिका ठिक नभएको बताएका छन् ।
आइतबार प्रतिनिधिसभामा अर्थमन्त्री विष्णु पौडेलले बजेटमाथिको छलफलको प्रस्ताव गरिरहँदा पाण्डेले एउटा दलको नाराबाजीबीच जबरजस्त सदन चलाउने तरिका ठिक नभएकाले सहमति गरेर टुङ्गोमा पुगेपछि मात्रै बैठक राख्न आग्रह गरे ।
उनले बजेट जस्तो महत्त्वपूर्ण विषयमा छलफल हुँदा नाराबाजी र होहल्लाका कारण केही नबुझिएको बताए ।
बजेटमाथिको छलफल जारी रहँदा रास्वपा सांसदहरूले बेल घेराउ गर्दै नाराबाजी गरेका छन् ।
प्रतिक्रिया