वीरगन्ज– पर्सा प्रहरीले भारतबाट अवैध रुपमा आयात गरिएका कुखुराको चल्लाहरु बरामद गरेको छ ।
जिल्ला प्रहरी कार्यालय पर्सा र प्रहरी चौकी अमरपट्टीको संयुक्त गस्ती टोलीले भारतबाट ल्याएको ५ हजार ४ सय ४४ वटा अवैध चल्ला बरामद गरेको हो ।
प्रहरीका अनुसार जिल्लाको विन्दवासिनी गाउँपालिका–४ अमरपट्टीस्थित सडकमा केही व्यक्ति टाउँकोमा चल्लाको रहेको ‘क्रेट’ बोकेर हिँडिरहेका थिए ।
प्रहरीको गस्ती टोली देखेपछि उनीहरु चल्ला रहेको क्रेट छाडेर भागेका थिए ।
प्रहरीले चल्ला रहेको क्रेट नियन्त्रणमा लिएको छ ।
नियन्त्रणमा लिइएको क्रेट पशु क्वारेन्टाइन चेक पोस्ट सिस्यिामा बुझाउने कार्य भइरहेको पर्सा प्रहरीले जनाएको छ ।
प्रतिक्रिया