काठमाडौं– गृहमन्त्री रमेश लेखकले अनावश्यक रुपमा बखेडा झिकेर संसद् अवरुद्ध पार्ने काम भएको बताएका छन् ।

नेपाल शिक्षक संघले बिहीबार काठमाडौंमा आयोजना गरेको कार्यक्रममा गृहमन्त्री लेखकले कर्मचारीले गरेको गल्तीलाई सरकार र मन्त्रीसँग जोड्दै अनावश्यक रुपमा बखेडा झिकेर संसद् अवरुद्ध पार्ने काम भएको बताएका हुन् ।

संसद्को अवरोध राजनीतिक पूर्वाग्रह, प्रतिशोध प्रेरित रहेको उनले बताए । गृहमन्त्री लेखकले भिजिट भिसा प्रकरणमा प्रतिपक्षीले उठाएको विषयको कुनै अर्थ र औचित्य नरहेको भन्दै संसद्को अवरोध चाँडै हट्नुपर्ने धारणा राखे ।

संसद्को अवरोध हटेपछि असार १५ भित्र विद्यालय शिक्षा विधेयक पारित गरेर शिक्षकहरूका माग पुरा गर्ने उनले बताए ।