गाजा – गाजामा राहत लिएर गएको इजरायलले नियन्त्रणमा लिएको माडलिन जहाजलाई असाद बन्दरगाहमा लगिएको छ। जहाजमा वातावरण अभियन्ता ग्रेटा थनबर्ग लगायत छन्।

फ्रिडम फ्लोटिला कोलिसनले सञ्चलन गरेको सो जहाज इजरायलले गाजा भन्दा १८५ किलोमिटर टाढाबाट नियन्त्रणमा लिएको थियो। सोही क्रममा अभियन्ता थनवर्ग लगायत १२ जनालाई इजरायलले नियन्त्रणमा लिएको हो।

गाजामा इजरायली हवाई आक्रमणमा जारी रहेको छ। सोही आक्रमणमा तीन आपत्कालिक उद्धारकर्ताको पनि ज्यान गएको छ।

प्यालेटाइनी सञ्चारमाध्यमले जनाए अनुसार एक जना पत्रकार पनि इजरायली हवाई आक्रमणमा मारिएका छन्।

कमिटी टु प्रोटेम्ट जर्नालिस्ट (सिपिजे) का अनुसार अहिलेसम्म १८४ जना पत्रकार इजरायली हवाई आक्रमणमा मारिएका छन्।