बलिउड क्वीन कंगना रनावतले आफ्ना हरेक फिल्मका भूमिकालाई निकै मेहनतका साथ निभाउने गर्छिन् । उनले आफ्नो भूमिकालाई अझ वास्तविक बनाउन कुनै कसर बाँकी छोड्दिनन् ।

यतिबेला कंगना आफ्नो फिल्म ‘थलाइवी’ को तयारीमा छिन् । फिल्ममा उनले तमिलनाडुकी पूर्व मुख्यमन्त्री दिवंगत जयललिताको भूमिका निभाउने छिन् ।

यो फिल्मको घोषणाको समयदेखि नै कंगना आफ्नो लूकका कारण चर्चामा थिइन् । फिल्ममा कंगनालाई ४ अलग–अलग लूकमा देख्न सकिनेछ । जसका लागि कंगनालाई फरक खालको मेकअपको पनि आवश्यकता पर्नेछ । यसै सिलसिलामा कंगनाका केही तस्वीर बाहिरिएका छन् ।

तस्वीर हेर्दा अन्दाज लगाउन सकिन्छ, कंगनाले यो फिल्मका लागि कडा मेहनत गरेकी छिन् । मेकअप यस्तो गरिएको छ कि, उनलाई सास फेर्न पनि गाह्रो हुने देखिन्छ ।

फिल्म लूक सार्वजनिक गर्दै कंगनाले भनेकी छिन्, ‘मेरो हिसाबमा जयललिताको भूमिका पर्दामा निभाउन गाह्रो छ, पहिलोपटक म आफ्नो रुप पनि परिवर्तन गर्दैछु ।’

यो फिल्म तमिल, तेलुगू र हिन्दीमा रिलिज हुनेछ ।