काठमाडौं- नेकपा (एमाले) का अध्यक्ष केपी शर्मा ओलीले २०८१ पुस १० गते पार्टीबाट निकालिएका पूर्वउपाध्यक्ष डा. भीम रावलबारे तीतो टिप्पणी गरेका छन् ।

अखिल नेपाल राष्ट्रिय स्वतन्त्र विद्यार्थी युनियनको २४ औँ राष्ट्रिय महाधिवेशनको कीर्तिपुरमा उद्घाटनका क्रममा उनले प्रधानमन्त्रीसमेत रहेका ओलीले रावलले जहिल्यै आम्दानी हुने पद खोजेर दु:ख दिएको बताए ।

‘भीम रावलले वर्षौँसम्म पार्टीबारेमा कहिल्यै सकारात्मक कुरा नगर्ने, जहिल्यै बाहिरबाट ढुंगा हानिरहने । रावल पार्टीभित्र पनि अराजक, बाहिर पननि अराजक’, उनले भने, ‘जहिल्यै आम्दानी हुने ठाउँ चाहियो, पद चाहियो, एकछिन पनि पदबिना बस्न नसक्ने ।’

रावल एमालेबाट निकालिएपछि मातृभूमि अभियान लिएर देशभर हिँडिरहेका छन् । उनले नयाँ पार्टी खोल्न जिल्ला जिल्ला पुगेर छलफल पनि चलाइरहेका छन् ।

उनले एमालेको मिसन ०८४ सफल हुने पनि बताए । ओलीले एकताबद्ध एमाले हुन सकेमा ०८४ को निर्वाचनमा एकल बहुमत आउने पनि जिकिर गरेका छन् ।