काठमाडौं – ललितपुरे फुटबल क्लब थ्री स्टारको अध्यक्षमा अरुणमान जोशी निर्विरोध निर्वाचित भएका छन् ।

आइतबार भएको साधारण सभाले जोशीको नेतृत्वमा १९ सदस्यीय कार्यसमिति सदस्य चयन गरेको हो । बाँकी २ सदस्यको चयन केही समयभित्रै गर्ने क्लबले जनाएको छ ।

क्लबको उपाध्यक्षमा निर्मल रत्न शाक्य, अतिश कृष्ण श्रेष्ठ, रमेश अवाले, कृष्ण अवाले, बीरेन्द्रलाल श्रेष्ठ र जय कृष्ण श्रेष्ठ चयन भए ।

क्लबको महासचिवमा सन्जिव शिल्पकार, कोषाध्यक्षमा राम श्रेष्ठ, सचिवमा कुल बहादुर महर्जन, निवास गोपाल वैद्य र सहकोषाध्यक्षमा देवेन्द्रलाल श्रेष्ठ चयन भएका छन् । यस्तै सदस्यहरुमा राम कृष्ण चित्रकार, प्रेम बहादुर चित्रकार, हरि महर्जन, रामेश्वर अवाले, रुपेन्द्र पुरी र मुकेश नकर्मी छन् ।

अध्यक्ष जोशी अघिल्लो कार्यसमितिका कार्यकारी अध्यक्ष हुन् । क्लबको निर्वतमान अध्यक्षमा ज्ञान बहादुर शाक्य रहेका छन् ।