काठमाडौं– भरतपुर महानगरपालिका-२९ गाइघाटस्थित मुग्लिन नारायणगढ सडक खण्डमा टिपर दुर्घटना हुँदा चालक गम्भीर घाइते भएका छन् ।
आइतबार नारायणगढबाट मुग्लिन तर्फ जाँदै गरेको बा.प्र. ०३-००१ क ०२१५ नम्बरको टिपर गति अनियन्त्रित भई बाटोको साइडमा पल्टिदा टिपरमै च्यापिएका चालकको सशस्त्र प्रहरी बलले उद्धार गरेको हो ।
डिएसपी शैलेन्द्र थापाका अनुसार सशस्त्र प्रहरी बल नेपाल नं.१७ गण हेक्वा चितवनबाट सुरक्षाकर्मी घटनास्थल पुगी च्यापिएर गम्भीर घाइते भएका चालकको उद्धार गरेको हो । नाम वतन नखुलेका चालकलाई उपचारको लागि भरतपुर तर्फ पठाइएको छ ।
प्रतिक्रिया