सर्लाही– सर्लाहीको लालबन्दी नगरपालिकाअन्तर्गत रहेका होटलहरूमा प्रहरीले आचारसंहितासम्बन्धी फ्लेक्सहरू राख्न सुरू गरेको छ ।

गणतन्त्र दिवसको अवसर पारेर इलाका प्रहरी कार्यालय लालबन्दीले नगरपालिका क्षेत्रमा सञ्चालित होटलहरूमा आचारसंहितासम्बन्धी फ्लेक्सहरू राख्न सुरू गरेको हो । 

होटल व्यवसायीहरूको हकहित एवम् व्यवसायलाई थप व्यवस्थित र मर्यादित बनाउने उद्देश्यले होटल, लज तथा रेस्टुरेन्टहरूमा फ्लेक्सहरू राख्न सुरू गरिएको प्रहरी निरीक्षक विरेन्द्र जोहारीले बताए । 

होटल व्यवसायी, उद्योग वाणिज्य संघ, स्थानीय र सञ्चारकर्मीहरूको उपस्थितमा लालबन्दी नगरपालिका नगर प्रमुख वासुदेव अधिकारीबाट आचारसंहितासम्बन्धी फ्लेक्स राख्ने कामको शुभारम्भ गरिएको उनले बताए ।