खाँदबारी– आफ्नै श्रीमतीलाई खुकुरी र चक्कु प्रहार गरी घाइते बनाएको आरोपमा प्रहरीले संखुवासभा खाँदबारीका एक व्यक्तिलाई पक्राउ गरेको छ ।

मदिरा सेवन गरेको अवस्थामा घरयासी विवाद हुँदा आफ्नै श्रीमतीलाई खुकुरी र चक्कु प्रहार गरको आरोपमा जिल्ला प्रहरी कार्यालय खाँदबारीको टोलीले स्थनीय ध्रुब विकलाई पक्राउ गरेको हो ।

प्रहरीका अनुसार आइतबार बेलुका करिब साढे ७ बजे तिर विकले मादक पदार्थ सेवन गरी आफ्नै श्रीमती अन्जना बिकलाई खुकुरी र चक्कु प्रहार गरेका थिए ।

धारिलो हतियार प्रहारबाट शरीरको विभिन्न भागमा चोट लागेर घाइते भएकी बिकलाई उपचारको लागि जिल्ला अस्पताल खाँदवबारी पठाइएको छ । घटनास्थलबाट प्रहरीले खुकुरी र चक्कुसमेत बरामद गरेको बताएको छ ।