नयाँदिल्ली – भारतीय सुरक्षाकर्मीले २० नक्सलवादीलाई मारेका छन् । नारायणपुर जिल्लको अबुझमाडको जंगलमा सुरक्षाकर्मीले उनीहरुलाई मारेको हो ।

सुरक्षाकर्मीले सबैको शव र हतियार बरामद भएको जनाएको छ । दंतेवाडा, नारायणपुर र बीजापुर जिल्लाको सरहदमा मुठभेड चलिरहेको भारतीय सञ्चारमाध्यमले जनाएका छन् ।

मारिएका नक्सलवादीमा ठूलो कार्यकर्तासमेत भएको जनाइएको छ । पुलिसले पाएको सूचनाअनुसार अबुझमाडको बोटेरमा नक्सलवादीका पोलिटब्युरो सदस्य र नक्सल संगठनका महासचिव बसवा राजु रहेका थिए ।

नक्सलवादीहरु तेलंगाना, ओडिशा, महाराष्ट्र लगायतका राज्यमा सक्रिय छन् । सरकारले उनीहरुमाथि पुरस्कार राशिसमेत राखेको छ ।

पोलिटव्युरोका लागि डेढ करोड भारु मोल राखिएको छ । त्यस्तै केन्द्रीय सदस्यका लागि एक करोड राखिएको छ ।सात दिन पहिले प्रहरीले छत्तीसगढ–तेलंगाना सीमामा ३१ नक्सलवादीलाई मारेको जनाएको थियो ।