काठमाडौं – अमेरिकाले गुप्तचर निकायबाट इजरायलले इरानको आणविक भट्टीमा नै प्रहार गर्ने तयारी गरेको सूचना पाएको छ।

अमेरिका भने अहिले इरानसँग वार्ता र समझदारीको तयारीमा छ। यसो भएमा मध्यपूर्वमा फेरि सीमामा लडाइँ बढ्न सक्ने छ।

सन् २०२३ को अक्टोबर ७ मा हमासले इजरायलमा आक्रमण गरेपछि सुरु भएको अशान्ति रोक्न अहिले अमेरिकी राष्ट्रपति डोनाल्ड ट्रम्पले प्रयास गरिराखेका छन्।

यो आक्रमण कसरी गर्ने भन्ने पुरा तय भने भइसकेको छैन। साथै अन्तिम निर्णय नै पनि भइसकेको छैन। कुन समयमा कसरी हुन सक्ने भन्ने विषयको यकिन भने भएको छैन।

अमेरिका र इरान बिचको आणविक वार्ताको स्वरूप कस्तो हुन्छ भन्ने कुराले इजरायलको अन्तिम निर्णय प्रभावित हुने जनाइएको छ।

गत अक्टोबरमा नै इजरायलले इरानको मिसाइल उत्पादन केन्द्र तथा एयर सिस्टममा प्रहार गरेको थियो। यस कारण इरानको सैन्य शक्ति दशककै कमजोर अवस्थामा रहेको जनाइन्छ।