सुर्खेत– हुम्लाको नाम्खा गाउँपालिका–६ मा रहेको तिल गाउँमा जोखिममा रहेको छ । गत जेठ १ गते सेखाङलुग्वा खोलामा लेदोसहितको पहिरो आएपछि गाउँ जोखिममा परेको हो ।  

पहिरोको जोखिम परेका १८ घरपरिवारका ३२ जनालाई जेठ १ गते राति नै विद्यालयमा राखिएको हुम्लाका प्रमुख जिल्ला अधिकारी नारायण पाण्डेयले बताए । 

‘अहिले पनि त्रिपालमा बस्दै आएका छन्,’ उनले भने,‘२१ महिला, ९ जना पुरुष र २ बालक छन् ।’ पहिरोका कारण तिल्चुङ खोलामा रहेका ५ वटा काठे पुल बगाएको गाउँपालिका अध्यक्ष प्रेमबहादुर लामाले बताए । 

‘लेदोसहित पहिरो आउनुको कारणका विषयमा अध्ययन भइरहेको छ ,’ उनले भने,‘जोखिममा परेको गाउँका मानिस अहिले सुरक्षित स्थानमा राखिएको छ ।’