काठमाडौं – २३ औं मदन आश्रित स्मृति दिवसका अवसरमा सुनसरीस्थित नेकपा एमाले बराहक्षेत्र नगर कमिटीले ज्येष्ठ नागरिकलाई फलफूल वितरण गरेको छ ।

राधाकृष्ण भक्ति साधना अध्यात्मिक प्रतिष्ठान, गीता आश्रम, साधु सत्सङ्ग पीठलगायतका वृद्धाआश्रममा आश्रय लिइरहेका ज्येष्ठ नागरिकलाई फलफूल वितरण गरी मदन आश्रित स्मृति दिवस मनाइएको सचिव देवेन्द्र विष्टले जानकारी दिए ।

उनले स्थानीय धार्मिक क्षेत्र र घाट सरसफाइ गरिएको समेत जानकारी दिए । बराहक्षेत्रमा आधा दर्जन बढी धार्मिक पीठमा वृद्धाआश्रम सञ्चालन गरिएको छ । फलफूल वितरण कार्यक्रममा बराहक्षेत्र नगरपालिकाकी उपप्रमुख नन्दकुमारी सुनुवार, नेकपा एमाले बराहक्षेत्रकी अध्यक्ष सीता भण्डारी पाैडेल, बराहक्षेत्र–१ वडाध्यक्ष किसन थापालगायतकाे उपस्थित थियाे ।