काठमाडौं– सन नेपाल लाइफ इन्स्योरेन्स लिमिटेडको हकप्रद शेयरमा मंगलबारदेखि आवेदन खुल्ला भएको छ ।

कम्पनीले हाल कायम चुक्ता पुँजी ३ अर्ब ९६ करोड १६ लाख रुपैयाँको १ शेयर बराबर ०.२७ शेयर ९१ : ०.२७० (विद्यमान १ कित्ता साधारण शेयर बराबर नयाँ ०.२७ कित्ता साधारण शेयर) को अनुपातमा हकप्रद शेयर निष्कासन गरेको छ । 

अहिले भएका विद्यमान सेयरधनीहरूका लागि १ अर्ब ६ करोड ९६ लाख ३२ हजार रुपैयाँ बराबरको प्रति कित्ता १०० रुपैयाँका दरले १ करोड ६ लाख ९६ हजार कित्ता हकप्रद साधारण शेयर निष्कासन खुल्ला गरेको छ । 

उक्त हकप्रद शेयरमा जेठ १९ गतेसम्म आवेदन दिन पाउने छन् । कम्पनीको बिक्री प्रबन्धकमा नेपाल एसबिआई मर्चेण्ड बैंकिङ्ग लिमिटेड रहेको छ । कम्पनीले नेपाल बीमा प्राधिकरणले तोको चुक्त पुँजी ५ अर्ब पुर्याउन हकप्रद शेयर निष्कासन गरेको हो । 

कम्पनीको अधिकृत पुँजी ६ अर्ब रुपैयाँ छ भने जारी पुँजी ५ अर्ब ३ करोड १२ लाख रुपैयाँ बराबरको रहेको छ । कम्पनीको चुक्ता पुँजी भने ३ अर्ब ९६ करोड १६ लाख रुपैयाँ मात्र रहेको छ । 

कम्पनीको २ अर्ब ७७ करोड ३१ लाख २० हजार रुपैयाँ ७० प्रतिशत शेयर संस्थापक छ भने १ अर्ब १८ करोड ८४ लाख ८० हजार रुपैयाँ ३० प्रतिशत सर्वसाधारणको रहेको छ । 

हकप्रद शेयर जारी गरेपश्चात् संस्थापकको पुँजी ३ अर्ब ५२ करोड १८ लाख ६२ लाख रुपैयाँ बराबरको ७० प्रतिशत हुने छ भने सर्वसाधारणको १ अर्ब ५० करोड ९३ लाख ६९ हजार रुपैयाँ बराबरको ३० प्रतिशत हुने छ।