काठमाडौं : नेकपा (मसाल) ले दिवंगत नेता प्रदीप नेपालप्रति श्रद्धाञ्जली अर्पण गरेको छ । पार्टीका महामन्त्री मोहनविक्रम सिंहले श्रद्धाञ्जली विज्ञप्ति जारी गर्दै नेपालको लोकतान्त्रिक तथा कम्युनिस्ट आन्दोलनमा महत्त्वपूर्ण भूमिका खेल्ने दिवंगत नेताप्रति श्रद्धाञ्जली अर्पण गर्दै परिवारजनमा समवेदना प्रकट गरेको छ ।

महासचिव सिंहले नेपालको कम्युनिस्ट आन्दोलनलाई अगाडि बढाउन निरन्तर सङ्घर्षशील नेपाल एक पत्रकार, लेखक र साहित्यकार रहेको उल्लेख गरेका छन् । उनको राजनीतिक, सामाजिक तथा साहित्यिक योगदानलाई नेपाली समाजले सदैव याद गर्ने विज्ञप्तिमा उल्लेख छ ।

दिवंगत नेता नेपालको देहावसानले लोकतान्त्रिक तथा कम्युनिस्ट आन्दोलनका साथै साहित्यिक क्षेत्रमा अपूरणीय क्षति भएको महासचिव सिंहले उल्लेख गरेका छन् । नेता नेपालकाे गत वैशाख २३ गते मृत्यु भएकाे थियाे ।