एजेन्सी–इङ्ग्लीस प्रिमियर लिगमा आइतबार राति भएको अर्को खेलमा आर्सनलले साउथ ह्यामटनलाई पराजित गरेको छ । इमिरेट्स रंगशालामा भएको खेलमा साउथ ह्यामटन घरेलु टोलीसँग २—० गोल अन्तले पराजित भएको हो ।

साउथ ह्यामटनविरुद्ध आर्सनलका लागि एलेक्सजेन्डर लाकाजेट र हेनरिक मिख्टीरायनले गोल गर्दै टिमलाई शीर्ष चौथो स्थानमा पुर्‍याउन योगदान गरे ।

खेलको छैठौं मिनेटमा लाकाजेटले गोल गर्दै घरेलु दर्शकमाझ टिमलाई अग्रता दिलाएका थिए । यस्तै, १७ औं मिनेटमा म्खिटारियनले टिमका लागि दोस्रो गोल गर्दै पहिलो हाफमा २—० को अवस्थामा पुर्‍याएका थिए ।

पहिलो हाफमा २ गोलले पछि परेको साउथह्यामटनले गोल फर्काउन नसकेपनि आर्सनललाई गोल थप्नबाट रोकेको थियो । खेलको १७ औं मिनेटमा अग्रता बनाएको आर्सनलले बाँकी समयमा गोल थप्न भने सकेन ।

जीतसँगै आर्सनल ५३ अंकसहित लिगको शीर्ष चौथो स्थानमा उक्लिएको छ भने पराजित साउथह्यामटनको २४ अंकरहेको छ ।