नेपालगञ्ज– नेपालगन्जको भेरी अस्पतालमा जलनका बिरामीका लागि जलन वार्ड सञ्चालनमा ल्याइएको छ।
विशिष्टीकृत उपचार सेवा प्रदेशमा विस्तार गर्ने स्वास्थ्य मन्त्रालयको नीतिअन्तर्गत भेरी अस्पताल नेपालगञ्जमा जलन वार्ड स्थापना गरिएको हो । वार्डको स्वास्थ्य तथा जनसङ्ख्या मन्त्री प्रदिप पौडेलले उद्घाटन गरेका छन् ।
मन्त्रालयको वैशाख महिनाको तालिका अनुसार १४ शैय्याको सर्जिकल युनिटसमेत सोही अवसरमा सञ्चालनमा ल्याइएको छ । मन्त्रालयको कार्यक्रमअनुसार बिरामीलाई निःशुल्क उपलब्ध गराउन सिकलसेल तथा थालेसेमियाको खोपसमेत हस्तान्तरण गरिएको छ ।
अब अस्पतालमार्फत बिरामीहरूले निःशुल्क खोप प्राप्त गर्नेछन् ।
प्रतिक्रिया