वीरगन्ज– नेपालस्थित ससुरालीको खेतमा पानी लगाउन आएका एक भारतीय नागरिकको खोलाले बगाएर ज्यान गएको छ ।

पर्साको कालिमाइ गाउँपालिका–१ मुर्ली बस्ने गंगा साहको खेतमा पानी लगाउन आएका उनका ज्वाइँ भारतीय राज्य बिहारको बेलबनिया घर भएका ३५ वर्षीय पिन्टु कुमार साहको खोलाले बगाएर मृत्यु भएको हो ।

ससुरा गंगाको खेतमा पानी लगाउन सिक्टा खोलामा राखिएको पम्पसेट निकाल्ने क्रममा पिन्टुलाई खोलाले बगाएको थियो ।

पिन्टुलाई खोलाले बगाएको खबर प्राप्त हुनासाथ इलाका प्रहरी कार्यालय पोखरिया (पर्सा)बाट खटिएको टोलीले उनलाई मृत फेला पारेको हो ।

जिल्ला प्रहरी कार्यालय पर्साका अनुसार मृतक पिन्टुको शव परीक्षणका लागि नारायणी अस्पताल ल्याइएको छ ।