काठमाडौं– सर्वाेच्च अदालतले शाखा अधिकृत महिमानसिंह विष्टले डिल्लीबजार कारागारलाई लेखेको पत्र अनधिकृत भएकाले कार्यान्वयन नगर्न सम्बन्धित निकायमा पत्राचार गरिएको बताएको छ ।

सर्वोच्चले मंगलबार प्रेस विज्ञप्ति जारी गरेर पत्र लेख्ने विष्टलाई कानुनबमोजिमको कारबाही प्रकृया सुरु गरिएको पनि जनाएको छ ।

‘यस अदालतको शाखा अधिकृतले च.नं. १९२७७ मिति २०८२।०१।१७ को श्री कारागार कार्यालय डिल्लीबजार काठमाडौंलाई लेखिएको पत्र अनधिकृत रहेकोले उल्लेखित च.नं. र मितिको अनुरोध पत्र कार्यान्वयन नगर्न अनुरोध गर्दै सम्बन्धित निकायमा पत्राचार गरिसकिएको र अनधिकृत रुपमा सो पत्र लेख्ने अधिकृतलाई कानुनबमोजिमको कारबाहीको प्रकृया सुरु गरिएको बेहोरा सबैमा जानकारीको लागि अनुरोध छ,’ सर्वोच्चका प्रवक्तासमेत रहेका सह–रजिष्ट्रार अच्युत कुईकेलद्वारा जारी विज्ञप्तिमा उल्लेख छ ।