काठमाडौं– गृहमन्त्री रमेश लेखकसँग भारतीय जनता पार्टी (भाजपा)का विदेश विभाग प्रमुख डा. विजय चौथाइवालेले भेट गरेका छन् । चौथाइवालले बुधबार गृह मन्त्रालय पुगेर गृहमन्त्री लेखकसँग भेट गरेका हुन् ।  

गृहमन्त्री लेखकले भाजपा विदेश विभाग प्रमुख चौथाइवालेसँग गृह मन्त्रालयमा भएको भेटको तस्बिर सामाजिक सञ्जाल फेसबुकमार्फत् सार्वजनिक गरेका छन् । 

‘भेटको क्रममा नेपाल र भारतबीचको बहुआयामीक सम्बन्धलाई थप सुदृढ बनाउनेबारे निकै सकारात्मक छलफल भयो,’ उनले लेखेका छन्, ‘डा. चौथाईवालेजीको नेपाल भ्रमण र भेटघाटहरूले द्विपक्षीय सम्बन्धमा सकारात्मक प्रभाव पार्ने मैले विश्वास गरेको छु ।’

भाजपा विदेश विभाग प्रमुख चौथाइवाले बुधबार बिहान मात्रै तीन दिने भ्रमणका लागि काठमाडौं पुगेका थिए ।