काठमाडौं – जेठ २३ बाट प्रदर्शनमा आउने फिल्म ‘जन्ते बाख्रो’को नयाँ गीत सार्वजनिक भएको छ । 

गायक महेश काफ्ले र गायिका अस्मिता अधिकारीको स्वरमा ‘अंगुरको झुप्पो’ शीर्षकको गीत शुक्रबार सार्वजनिक भएको हो । यस गीतमा शब्द गायक काफ्लेकै रहेको छ । 

यस गीतको भिडियोमा फिल्मका मुख्य कलाकार आशिफ शाह र गरिमा शर्मा फिचर्ड छन् । फिल्मका केन्द्रीय कलाकार भने यस गीतमा सहभागी छैनन् । 

यस गीतले फिल्ममा आशिफ र गरिमा प्रेमी–प्रेमिकाको भूमिकामा रहेको संकेत गर्छ । गीतको भिडियोमा गरिमा प्रेमीले प्रेम गर्ने शैलीबाट असन्तुष्ट देखिन्छन् । सोहीकारण रिसाएकी प्रेमीकालाई आशिफले फकाउन प्रयत्न गरेको देखिन्छ । 

‘जन्ते बाख्रो’का निर्देशक सिमोस सुनुवार हुन् ।  प्रदीप भारद्वाजको कथा, पटकथा र संवाद लेखन रहेको यस फिल्मका निर्माता सन्तोष गौतम हुन् ।