काठमाडौं- बीमा समितिले शहीद परिवारलाई ३ सय ८५ रुपँयौमा ७ लाखको बीमा गर्ने सुविधा दिने भएको छ ।

बीमा समितिले बीमा कम्पनीलाई शहीद परिवारलाई ‘दुर्घटना बीमा स्किम’मा छुटसहित थोरै प्रिमियम तिर्नुपर्ने योजना ल्याउन निर्देशन दिएको छ ।

असोज ३ गते संविधान दिवसका अवसरमा शहीद परिवारलाई ३ सय ८५ रुपँयौमा ७ लाखको बीमाका लागि तयारी गर्ने समितिले अपिल गरेको छ ।

अर्थ मन्त्रालयमा गत भदौ १८ गते बसेको बैठकले संविधान दिवसका अवसरमा बैंक तथा वित्तीय क्षेत्रले कुनै न कुनै नयाँ स्किम ल्याउनुपर्ने निर्णय गरेको थियो ।

मन्त्रालयको सोही निर्णयअनुसार बीमा कम्पनीको सहभागितामा शहीद परिवारलाई दुर्घटना बीमामा सहुलियत कार्यक्रम ल्याएको समितिले जनाएको छ ।

गृह मन्त्रालयको तंथ्याकमा १५ हजार शहीद परिवार छन् । ती शहीद परिवारले सरकारले दिएको परिचयपत्र सम्बन्धी बीमा कम्पनीमा पेश गरेर सरकारले दिएको यो सुविधा लिन पाउँनेछन् ।