मुम्बई – भारतीय प्रधानमन्त्री नरेन्द्र मोदीको जीवनीमा आधारित फिल्म र डकुमेन्ट्री बनिसकेका छन् । यसैबीच निर्देशक सञ्जय लीला भन्सालीले मोदीको जीवनीमा आधारित फिल्म निर्माण गरेका छन् । उक्त फिल्मको नाम ‘मन बैरागी’ रहनेछ ।

मोदीको जन्मदिन पारेर फिल्मको फस्ट लूक पनि सार्वजनिक गरिने भएको छ । यो फिल्मको फस्ट लूक बाहुबली स्टार प्रभासले गर्ने भारतीय मिडियाले लेखेका छन् ।

यो फिल्म प्रधानमन्त्री मोदीको जीवनका नसुनिएका कहानीमा आधारित हुनेछ । तर यसको आधिकारिक जानकारी भने आएको छैन । फिल्मको निर्माण भन्साली र महावीर जैनले गरेका छन् भने निर्देशन सञ्जय त्रिपाठीले गरेका छन् ।

भन्सालीले यो फिल्ममा कहानीमा रिसर्च गरिएको समेत बताएका छन् । साथै उनले मोदीको जीवनमा आएको टर्निङ प्वाइन्टले आफूलाई उत्साहित बनाएको पनि प्रतिक्रिया दिएका छन् ।