सुर्खेत– प्रहरीले सुर्खेतको लेकवेशी नगरपालिका–८ लामिडाँडास्थित ६ विगाह क्षेत्रफलमा लगाइएको अवैध अफिम खेती नष्ट गरेको छ ।
जिल्ला प्रहरी कार्यालय सुर्खेतले अवैध रुपमा लागुऔषध अफिमको खेती भइरहेको भन्ने सूचनाको आधारमा ६ विगाह क्षेत्रफलमा लगाइएको अफिम खेती नष्ट गरेको हो ।

जिल्ला प्रहरी कार्यालयका डीएसपी प्रदीपबहादुर क्षेत्रीका अनुसार स्थानीय किसानले लुकिछिपी अफिम खेती गरिएको पाइएको हाे, सूचना पाउनासाथ अफिम खेती नष्ट  गरियो ।

प्रहरीले अफिम नष्ट गरेपनि खेती गर्ने व्यक्ति भने प्रक्राउ गरको छैन ।

नेपालको कानूनले अफिम खेती पूर्ण रुपमा प्रतिबन्द गरेपनि मध्यपश्चिमका केही भू–भाग तथा तराईका जिल्लामा यस्ता अवैध खेतीहरु लुकिछिपी हुँने गरेको पाइन्छ ।