काठमाडौं– नेपाली कांग्रेसका महामन्त्री विश्वप्रकाश शर्माले सरकारको गतिप्रति असन्तुष्टि व्यक्त गर्दै कार्यशैली परिवर्तन गर्नुपर्ने बताएका छन् । 

सामाजिक सञ्जाल एक्समा बुधबार उनले सरकारको कार्यशैली प्रति असन्तुष्टि व्यक्त गर्दै कार्यशैली परिवर्तन गर्नुपर्ने बताएका हुन् । 

‘नगर्नुपर्ने निर्णयमा हतारो, गर्नुपर्ने निर्णयमा बिलम्ब, सरकारको यो प्रवृत्ति समर्थन योग्य छैन । मुख्य दुई दल सम्मिलित सरकारको गति सन्तोषजनक भएन,’ शर्माले भनेका छन्, ‘कमजोरी केलाउँ, लय मिलाउँ, गति बढाउँ । सरकार अलमल बाहिर अनुभूतिमा भेटिनुपर्छ । सरकार चल्नुपर्छ, तर कार्यशैली बदल्नुपर्छ ।’

उनले सामाजिक सञ्जाल विधेयक, कुलमान प्रकरण, शिक्षक आन्दोलन, अख्तियारसम्बन्धि विधेयक, त्रिभुवन विश्वविद्यालयको उपकुलपति प्रकरण, नेपाल राष्ट्र बैंकको गभर्नर नियुक्ति प्रकरण र नेपाल प्रहरीको एआईजी नियुक्तिको विषय पनि उठाएका छन् ।