काठमाडौं – नेपाली राष्ट्रिय फुटबल टोलीलाई अन्तर्राष्ट्रिय खेल समुदायमा परिचय दिलाउन मद्दत गरेका जर्मन प्रशिक्षक रुडी गुडेन्डर्फको निधन भएको छ । ९३ बर्षको उमेरमा रुडीको निधन भएको बीबीसीले जनाएको छ ।

रुडीले नेपाली टोलीको मुख्य प्रशिक्षकको जिम्मेवारीमा रहेर दुई पटक काम गरेका थिए । १९८२ मा भारतमा भएको एसियाली खेलकुद प्रतियोगिता र सन् १९८६ को एसिया कप छनोटका क्रममा उनी नेपाली टोलीको मुख्य प्रशिक्षकको जिम्मेवारी सम्हालेका थिए ।

रुडी विश्व कीर्तिमानधारी प्रशिक्षक हुन् । उनले ५ महादेशका ३२ देशका ५५ टिमलाई प्रशिक्षण दिएका थिए । रुडीले घरेलु टोली जर्मनको मुख्य प्रशिक्षकसहित अस्ट्रेलिया, ईरान र चीनको समेत राष्ट्रिय टोलीको नेतृत्व गरेका थिए ।

५५ टिमलाई प्रशिक्षण दिएका उनले प्रशिक्षकको जिम्मेवारीमा ५० बर्ष विताएका थिए । बिश्राम रहित काम गर्ने रुडीले स्वीस टोली ब्लु स्टार जुरिचलाई सन् १९५० मा प्रशिक्षण दिएका थिए । उनले प्रशिक्षकको रुपमा अन्तिम काम सन् २००३ मा समोआमा गरेका थिए ।