काठमाडौं– राजसंस्था पुन:स्थापनाका लागि संयुक्त जनआन्दोलन समितिका प्रवक्ता स्वागत नेपाल साधारण तारिखमा रिहा भएका छन् ।

उनलाई शुक्रबार आफ्नै ल फर्मबाट पक्राउ गरिएको थियो । नेपालले शुक्रबार भएको राजावादीको प्रदर्शनका क्रममा भिडलाई भड्काउने गतिविधि नगरेको निष्कर्षसहित म्याद थप नगरी साधारण तारिखमा रिहा गरिएको हो । 

उनलाई प्रहरीले गत शुक्रबार ल फर्मबाटै पक्राउ गरेको थियो  । जिल्ला प्रहरी परिसर काठमाडौंका प्रवक्ता अपीलराज बोहोराले शुक्रबार हिंसा भड्काउने गरी उनको भूमिका नदेखिएकाले साधारण तारिखमा छाडिएको बताए ।

उनलाई काठमाडौं अदालतले हाजिरी जमानीमा छाड्न आदेश दिएको हो । उनीसहित पक्राउ परेका राप्रपाका अन्य नेतासहित ४१ जनालाई भने अदालतले मुद्दा चलाउने गरी म्याद दिएको छ ।