काठमाडौं– सत्ता साझेदार नेपाली कांग्रेसका महामन्त्री विश्वप्रकाश शर्माले पूर्वराजालाई अराजक मार्गबाट राजा बन्ने मोह त्याग्न आग्रह गरेका छन् । 

राजावादीको शुक्रबारको आन्दोलन हिंसात्मक बनेपछि उनले सामाजिक सञ्जाल एक्समार्फत् ज्ञानेन्द्रलाई फेरि राजा बन्ने मोह त्याग्न आग्रह गरेका हुन् । 

‘अराजक मार्गबाट ‘अनुदार राज’ फिर्ताको मोह त्याग्न पूर्वराजालाई आग्रह,’ महामन्त्री शर्माले लेखेका छन्, ‘असन्तुष्टिको हल खोज्ने छौँ हामी, नागरिकले बनाएको संविधान भित्रैबाट ।’

उनले थप लेखेका छन्, ‘निर्दोष व्यक्तिको घरमा आगो, मिडियामा आक्रमण प्रयास, सपिङ मलमा तोडफोड र पार्टी कार्यालयमा आगजनी के यही हो ‘संवैधानिक राजा’ फर्किने बाटो ?’