काठमाडौं– भारतले दक्षिण अमेरिकी मुलुक सुरिनामलाई १० लाख डलर बराबरको औद्योगिक सामग्री सहयोग गरेको छ । प्यासन फ्रुट उद्योगको विकास गर्नका लागि भारतले सुरिनामलाई १० लाख डलर बराबरको मेसिनरी सामग्री सहयोग गरेको हो ।

यस सहयोगले दुई मुलुकबीचको विकास साझेदारी थप मजबुत बनाउने भारतीय विदेश मन्त्रालयको अपेक्षा छ । भारतीय समाचार संस्था एएनआईका अनुसार सुरिनामस्थित भारतीय राजदूतावासले सहयोग हस्तान्तरण गरिएको पुष्टि गरेको छ । 

पछिल्लो समय दुई मुलुकबीचको सम्बन्ध थप प्रगाढ बन्दै गएको एएनआईले जनाएको छ । गत नोभेम्बर महिनामा भारतीय प्रधानमन्त्री नरेन्द्र मोदीले अर्को दक्षिण अमेरिकी मुलुक गुएनाको राजधानी जर्जटाउनमा सुरिनामका राष्ट्रपति चन्द्रिकाप्रसाद चान सन्तोखीसँग भेटवार्ता गरेका थिए ।