काठमाडौं – काठमाडौं महानगर वडा नं ७ कालोपुल क्षेत्रमा अवैध रुपमा बनेका संरचना महानगरले भत्काएको छ ।
महानगरले गुठी संस्थानको जग्गा अतिक्रमण गरेर बनाइएका संरचनालाई डोजर लगाएर भत्काएको हो ।
लामो समयदेखि गुठी संस्थानको जग्गामा टहरा हालेर बसेकाहरूलाई खाली गर्न सूचना दिँदा पनि अटेर गरेकाले डोजर लगाएर भत्काउनु परेको महानगरले जनाएको छ ।
यता सो स्थानमा बसेका नागरिकहरूले कुनै सूचना नदिई एक्कासि भत्काएको गुनासो गरेका छन् । महानगरले टहरभित्र रहेका सामान निकाल्न नदिई डोजर लगाएपछि उनीहरु आक्रोशित भएका थिए । त्यसपछि महानगरले बाँकी रहेका टहराबाट तीन दिनभित्र सामान निकाल्न समय दिएको छ ।
प्रतिक्रिया