काठमाडौं– गायक दम्पती कमल खत्री र मेलिना मैनाली पहिलो सन्तानको अभिभावक बनेका छन् । मेलिनाले आइतबार छोरालाई जन्म दिएकी हुन् ।
गायक खत्रीले सामाजिक सञ्जालमार्फत् आइतबार छोराको जन्म भएको जानकारी दिएका छन् ।
उनले लेखेका छन्, ‘आज जीवनको सबैभन्दा अविस्मरणीय दिन मध्ये एक बनेको छ। पहिलो पटक बाबु बन्न पाउँदा जुन खुशी अनुभूति गरिरहेको छु, त्यो शब्दमा व्यक्त गर्न गाह्रो छ।’
गायक खत्रीले छोराको आगमनले भावुक स्ट्याटस लेखेका छन् । उनले आफ्नो परिवार पूर्ण भएको समेत बताएका छन् ।
कमल र मेलिनाले वि.सं. २०७९ असोजमा आफूहरुको प्रेम सम्बन्धलाई विवाहमा परिणत गरेका थिए । त्यसपछिका दिनमा यी दुवै गायनमा सक्रिय छन्।
प्रतिक्रिया