काठमाडौं – पन्जाब किङ्सका नयाँ कप्तान श्रेयस अय्यरले आफू तेस्रो क्रममा ब्याटिङ गर्न चाहेको कुरा बताएका छन्। भारतलाई भर्खरै च्याम्पियन्स ट्रफी जिताउने सवालमा उनले चौथो क्रममा ब्याटिङ गदै शानदार प्रदर्शन गरेका थिए।

कप्तानको रूपमा कलकत्ता नाइट राइडर्सलाई उपाधि जिताउने सवालमा उनले त्यसै पोजिसनमा ब्याटिङ गरेका थिए। यदाकदा उनी पाँचौँ या छैटौँ क्रममा ब्याटिङ गर्न पनि पुगेका थिए। उनले पत्रकार सम्मेलनमा बोल्दै आफू यसका लागि तयार भएको बताए।

उनले आफू त्यसै क्रममा ब्याटिङ गर्न तयार भएकाले प्रशिक्षकको सिग्नल कुरिरहेको बताए। सन् २०१९ देखि २०२१ सम्म दिल्लीलाई प्ले अफमा प्रवेश गराएका अय्यरकै नेतृत्वमा सन् २०२० मा भने फाइनलमा प्रवेश गरेको थियो।

उनी यस सिजनमा २६ दशमलव ७५ करोड भारतीय रुपियाँमा पन्जाबमा आबद्ध भएका हुन्।