काठमाडौं– नेकपा एमालेको सचिवालय बैठक सकिएको छ । आजको बैठकमा राजावादी शक्तिहरूले आफ्नो गतिविधि बढाए एमालेले जनतालाई जागृत गराउने विषयमा छलफल भएको छ । 

सचिवालय बैठकपछि पत्रकार सम्मेलनमा कुरा गर्दै एमाले उपमहासचिव प्रदीप ज्ञवालीले राजावादी शक्तिहरू थप सडक प्रदर्शन गरे जनतामा जागृत गराउने अभियान चलाउन सक्ने संकेत गरे । 

‘आवश्यक पर्दा जनतालाई जागृत गर्ने छलफल गरेका छौँ समय क्रममा त्यसको पनि जानकारी आउँछ ।’ उनले भने, ‘जनता जागृत गर्ने अभियान पनि आउन सक्छ । तत्काल निर्णय भएको छैन । छलफल हुन्छ ।’ 

उनले राष्ट्रिय सहमतिको सरकारबारे प्रवेश नै नगरेको ज्ञवालीको भनाइ छ । 

फागुन २५ गते राजावादी मोर्चा सडक निस्कँदा गणतन्त्रवादी दलहरूले पार्टी बैठक र संवाद बढाएका छन् । विपक्षी समाजवादी मोर्चाले यही चैत १५ गते काठमाडौंमा प्रदर्शन गर्ने गरेको छ ।