काठमाडौं– टेलिकम कम्पनीहरूको प्याकेज धनीलाई सस्तोमा दिने र गरिबसँग धेरै लिने प्रकारको भएको नेपाल दूरसञ्चार प्राधिकरणका अध्यक्ष भूपेन्द्र भण्डारीले बताएका छन् । 

बुधबार नेपाल आर्थिक पत्रकार समाजले आयोजना गरेको ‘रिभाइटलाइजिङ टेलिकम इन्टस्ट्री’ कार्यक्रममा बोल्दै अध्यक्ष भण्डारीले सो बताएका हुन् ।

अध्यक्ष भण्डारीले अन्य देशमा पनि साना देखि ठूला सम्मको प्याकेज भएको भन्दै नेपालमा भने छोटो समयको प्याकेज लिनेलाई धेरै र मासिक स्तरका प्याकेज लिनेलाई धेरै रकम लिने गरिएको बताए । उनले स साना प्याकेज बनाउन पनि टेलिकम कम्पनीहरूलाई आग्रह गरेका छन् ।

अहिले टेलिकम कम्पनीहरूले प्राधिकरणसमक्ष नयाँ सब्सक्रिप्सन प्लान पेश गरेको तर, त्यसलाई ग्राहकको अधिकारको कोणबाट हेरेर मात्रै लागू गरिनुपर्ने उनको भनाइ थियो ।