काठमाडौं– आफूभन्दा जुनियरलाई सचिव बनाएको भन्दै स्वास्थ्य मन्त्रालयकी अतिरिक्त सचिव डा.संगीता कौशल मिश्रले स्वास्थ्यमन्त्री प्रदीप पौडेलको राजीनामा मागेकी छन् ।
मिश्रले आफूभन्दा जुनियरलाई सचिव बनाएको भन्दै पौडेलको राजीनामा मागेकी हुन् ।
उनले आफूलाई कि अन्यत्र सचिवमा सरुवा गरेर लानुपर्ने नत्र जुनियरलाई हाकिम मानेर काम गर्न नसकिने प्रतिक्रिया दिइन ।
यति मात्र होइन मिश्रले यस अगाडि पनि पटक-पटक आफूलाई प्रदीप पौडेलले अन्याय गरेको दाबी गरिन्।
‘स्वास्थ्य तथा जनसंख्यामन्त्री प्रदीप पौडेलले पहिला पनि म माथि अन्याय गर्नुभएको थियो । मधेसी विरोधी नै हुनुहुन्छ ।’ उनले खबरहबलाई भनिन्, मैले अरू पार्टीका मन्त्रीसँग पनि बसेर काम गरे तर उहाँले मलाई शुरुबाट नै राम्रो व्यवहार गर्नुभएन । अब उहाँसँग केही नैतीकता छ भने राजीनामा दिनुपर्छ ।’
यो पनि पढ्नुहोस् :
सचिव नियुक्तिमा विवाद : अमरेशले मागे स्वास्थ्यमन्त्रीको राजीनामा
उनले आफ्नो केरीयर सक्नका लागि पौडेलले जाल रचेको आरोप लगाइन् ।
सिफारिस समितिले अतिरिक्त सचिव डा .संगिता कौशल मिश्र, दोस्रो नम्बरमा डा. टंक बाराकोटी र तेस्रो नम्बरमा देवकोटालाई सचिव बढुवाका लागि सिफारिस गरिएको थियो ।
तर मन्त्रिपरिषद् बैठकले देवकोटालाई अगाडि सारेको हो। देवकोटा स्वास्थ्य मन्त्री प्रदीप पौडेल निकट मानिन्छन् ।
यो पनि पढ्नुहोस् :
प्रतिक्रिया