काठमाडौं– पूर्वराजा ज्ञानेन्द्र शाहले बुधबार कालिका भगवती मन्दिर बागलुङमा पूजा–अर्चना गरेका छन् ।  

बुधबार शाहले कालिका मन्दिरमा पुगेर दर्शन तथा पूजापाठ गरेका छन् । पूर्वराजा ज्ञानेन्द्र शाहलाई राप्रपाका नेता, कार्यकर्ता, सर्वसाधारण, शुभेच्छुक तथा समर्थकहरूले स्वागत गरेका छन् ।

उनीहरूले ‘राजा आऊ देश बचाउ’, ‘हाम्रो राज प्राणभन्दा प्यारो छ’, ‘हिन्दु राज्य कायम होस’, लगायतका नारा लगाएका थिए ।

पूर्वराजा शाहले आफ्ना शुभेच्छुकसँग संवादसमेत गरेका थिए ।

उनको धार्मिक स्वागतको लागि भन्दै विश्व हिन्दु महासंघ बागलुङका अध्यक्ष जब्बरबहादुर लामिछानेको नेतृत्वमा ५ सय १ सदस्यीय नागरिक स्वागत मूल समारोह समिति समेत गठन गरिएको थियो ।