काठमाडौं – नेकपा एमालेका महासचिव शंकर पोखरेलले राजाको शासन कालमा नेपाल अशिक्षा, पछौटेपन, गरिबी र अविकासको चरम अवस्थामा रहेको स्मरण गरेका छन् ।

आइतबार साँझ पोखरेलले सामाजिक सञ्जालमार्फत एक्समार्फत राजतन्त्रमा राजपरिवारका सदस्यहरु अबैध तरिकाबाट धनआर्जन गर्नमा लिप्त भएको समेत बताएका छन् । उनीहरुकै नेतृत्वमा नेपालका पुरातात्विक सम्पदा र मुर्तिहरु समेत बेचिएको पोखरेलले बताएका छन् ।

उनले लेखेका छन्, ‘ राजाको शासन कालमा नेपाल अशिक्षा, पछौटेपन, गरिबी र अविकासको चरम अवस्थामा थियो । राजपरिवारका सदस्यहरु अबैध तरिकाबाट धनआर्जनमा लिप्त थिए । उनीहरुकै नेतृत्वमा नेपालका पुरातात्विक सम्पदा र मुर्तिहरु बेचिन्थे। जनताले त्यो समयको पनि हेक्का राखेका छन् भन्नेकुरा राजावादीले बुझेकै राम्रो !’