काठमाडौं– प्रहरीले कास्कीमा तीन थान भरुवा बन्दुकसहित चार जनालाई पक्राउ गरेको छ । माछापुच्छ्रे गाउँपालिका–२ खम्राङ बस्ने ४८ वर्षीय बम बहादुर तामाङ लगायत ४ जनालाई विभिन्न हातहतियारसहित प्रहरीले बुधबार पक्राउ गरेको हो ।
प्रहरीले उनीहरुको घरमा राखेको ३ नाल भरुवा बन्दुक, केही मात्रामा बारुद र छर्रा, १३ थान लाईभ राउण्ड, सर्टगनको ३ थान लाइभ राउण्ड, प्रयोग गरिएको २७ थान सर्टगनको खोका, १ थान भरुवा बन्दुकको बट बरामद गरेको छ ।
त्यसैगरी प्रहरीले करिब ५ केजी सतुवा र २ थान भरुवा बन्दुकको नालसमेत बरामद गरेको जनाएको छ । वडा प्रहरी कार्यालय बगरबाट खटिएको प्रहरीले उनीहरुलाई उक्त हतियार सहित पक्राउ गरेको हो ।
प्रतिक्रिया