काठमाडौं – इजरायलका उद्योग तथा अर्थमन्त्री निर बारकातले भारत आफ्नो मुलुकको महत्वपूर्ण व्यापारिक साझेदार भएको बताएका छन् । भारत भ्रमणका क्रममा भारतीय सञ्चार माध्यमसँगको कुराकानीका क्रममा मन्त्री बारकातले दुई मुलुकबीच परिवर्तनकारी व्यापारिक साझेदारीमा जोड दिएका छन् ।

द सन्डे गार्जियनसँगको कुराकानीका क्रममा उनले नवप्रवर्तन र व्यापारका क्षेत्रमा दुई मुलुकले थप सम्भावनाहरुको पहिचान गर्नुपर्ने उल्लेख गरे । उनी इजरायलका उच्चस्तरीय व्यापारिक प्रतिनिधिमण्डलका साथ भारत भ्रमणमा आएका हुन् ।

उनको नेतृत्वमा भारत आएको इजरायली व्यापारिक प्रतिनिधिमण्डलमा इजरायलका १ सयभन्दा धेरै व्यवसायी, उद्यमी एवम् लगानीकर्ताको सहभागीता रहेको थियो । उक्त भ्रमणका क्रममा उनीहरुले भारतीय सरकारी अधिकारी तथा व्यवसायिक प्रतिनिधिसँग भेटवार्ता गरेका थिए ।