युक्रेन- चेर्नभीलमा रहेको पूर्व आणविक भट्टीमा रुसले आक्रमण गरेको युक्रेनी राष्ट्रपति भालाडोमिर जेलेन्सकीले आरोप लगाएका छन्।

चेर्नभिलमा अघि सन् १९८६ मा दुर्घटना भएर तत्कालीन सोभियत सङ्घ र युरोपमा विकिरण फैलिएको थियो।

इन्टरनेनसल अटोमिक इनर्जी इनर्जीले शुक्रबार बिहान २ बजे अघि नै ठुलो विस्फोट सुनिएको जनाएको छ।

सेल्टरमा धेरै नास भए पनि जेलेन्सकीले विकिरणको मात्रा नबढेको बताए। युक्रेनको प्रान्तीय इमर्जेन्सी सर्भिसले विकिरणको मात्रा स्थिर रहेको जनाएको छ।

चेर्नभिलका प्रमुख इन्जिनियर अलेक्जेन्डर टायस्र्चुकले त्यहाँको गतिविधिका कारण विकिरण बाहिर आउने जोखिम रहेको बताएका छन्। उनले अवस्था अहिलेसम्म नियन्त्रणमा नै रहेको बताउँदै यसलाई मर्मत गर्नु आवश्यक रहेको बताए।

क्रिमलिनका प्रवक्ता डिमिट्री पेस्कोभले भने सो आक्रमणमा रुसको कुनै भूमिका नभएको जनाएको छ। यस युद्धको समयमा युक्रेनी पक्षले बारम्बार रुसमाथि आणविक भट्टीमा लक्षित गरी आक्रमण गरेको आरोप लगाएको छ।

अमेरिकी राष्ट्रपति डोनाल्ड ट्रम्प र रुसी राष्ट्रपति भ्लाडिमिर पुटिनबीचमा युद्ध विरामको विषयमा फोन वार्ता भएको दुई दिनपछि यो आणविक भट्टीमा आक्रमणको रिपोर्ट सार्वजनिक भएको हो।