काठमाडौं – भारतले नयाँ रडार सार्वजनिक गरेको छ । भारतले उन्नत निगरानी क्षमता रहेको एन्टी स्टेल्थ भीएचएफ रडार सार्वजनिक गरेको हो ।
भारतको गाजियावादमा सार्वजनिक गरिएको उक्त रडार प्रणाली भारत इलेक्ट्रोनिक लिमिटेड र इलेक्ट्रोनिक्स एण्ड रडार इस्टाब्लिसमेन्टको संयुक्त पहलमा निर्माण भएको हो । यस रडारमा स्टेल्थ प्रविधिको प्रतिकार गर्नसक्ने क्षमता रहेको इण्डियन डिफेन्स रिसर्च विङले जनाएको छ ।
यो रडारलाई एरो इण्डिया प्रदर्शनीमा राखिने भारतीय सञ्चार माध्यमले जनाएका छन् । एरो इण्डिया प्रदर्शनी आगामी फेब्रुअरी १० देखि १४ सम्म बेङ्लौरमा आयोजना हुँदैछ ।
प्रतिक्रिया