काठमाडौं– किर्गिस्तानको अन्तर्राष्ट्रिय फुटबल प्रतियोगिता खेल्न गएको नेपाली राष्ट्रिय महिला टोली दोस्रो खेलमा पनि पराजित भएको छ ।

जारी नादेझदा कपको दोस्रो खेलमा नेपाली टोली उज्वेकिस्तानसँग पराजित भएको हो । किर्गिस्तानको काराकोलस्थित सेन्ट्रल स्टेडियममा भएको खेलमा नेपाली महिला टोली २–० गोल अन्तरले पराजित भयो ।

खेलको पहिलो हाफमा १–० ले पछि परेको नेपाली टोली दोस्रो हाफमा खेलमा फर्किन नसक्दा थप एक गोल खान पुग्यो । पहिलो गोल ३४ औं मिनेटमा खाएको नेपालले दोस्रो गोल ५१ औं मिनेटमा खाएको थियो ।

खेलको क्रममा कप्तान निरु थापालाई चोटलागेपछि उनलाई आराम दिइएको थियो । पहिलो खेलमा किर्गिस्तानको टोलीलाई ८–० ले पराजित गरेको नेपालले दोस्रो खेलमा हार व्यहोरेको हो ।

अब नेपालले तेस्रो खेल भोलि (मंगलबार) ताजकिस्तानसँग खेल्नेछ ।