काठमाडौं– त्रिभुवन अन्तर्राष्ट्रिय विमानस्थलबाट डेढ किलो सुनसहित १ जना पक्राउ परेका छन् ।

हिमालय एयरलाइन्सको उडानद्वारा कतारको दोहाबाट काठमाडौं उत्रिएका होमबहादुर गुरुङ डेढ किलो सुनसहित पक्राउ परेका हुन् ।

नेपाल प्रहरीको त्रिभुवन अन्तर्राष्ट्रिय विमानस्थल सुरक्षा कार्यालयल स्रोतका अनुसार होमबहादुरले करुवामा लुकाएर डेढ किलो सुन काठमाडौं पु¥याएका थिए ।

त्रिभुवन अन्तर्राष्ट्रिय विमानस्थलको ‘अराइभल’ गेटमा चेकजाँच गर्ने क्रममा होमबहादुरको साथमा सुन रहेको देखिएको हो ।

थप चेकजाँच गर्दा होमबहादुरको साथमा डेढ किलो सुन फेला परेको प्रहरीले जनाएको छ ।

प्रहरीका अनुसार होमबहादुरले ल्याएको सुन ‘रिसिभ’ गर्न विमानस्थल पुगेका थप २ जना पनि पक्राउ परेका छन् ।

पक्राउ पर्ने अन्य २ जनामा मोरङको पथरी शनिश्चरे नगरपालिका–९ का भोजराज घिमिरे र पथरी शनिश्चरे नगरपालिका–२ का अनिल लुइटेल छन् ।

पक्राउ परेका तीनै जनामाथि प्रारम्भिक अनुसन्धानपछि त्रिभुवन अन्तर्राष्ट्रिय विमानस्थलको भन्सार कार्यालयमा बुझाइएको प्रहरीले जनाएको छ ।